همسات الليل
11-23-2005, 08:40 PM
الحــــــــــــلم
وقت من البطئ وبليلة فراق شياطينه
بعد ما شفت الضياء ينزع من ثياب المساء ثلثين
تحايلت المنام الي مثل بيتك تمرينه
وأنا الي من تفارقنا وأنا ما غمضت لي عين
غريبه كل حلم يمر في رقادي تزورينه
ولا غربت كيف احلم الحلم وارجع واحلمه بعدين
قبل يومين شفتك بالمنام وقمت من حينه
ونمت أمس ورجع نفس المنام الي قبل يومين
انا الي قبل اسافرشلت قلبي من شرايينه
تركته في يدك مثل الامانه واحفظيها زين
ترى حفظ الامانه دين مجبوره تردينه
أجل ما فيه أحد قلك حفظ الامانه دين
مرد المقفي بيلفي ويستوفي وتوفينه
بعد ليله ثلاثه أربعه عشره شهر شهرين
إذا أنتي منتي بقد الكلام الي تقولينه
حرام استئمنك حاجه وإذا جيت أطلبك تنسين
تخونيني وتبيني ارضى وأحد يرضى تخونينه
أنا إذا جيت أخونك مع حبيبه ثانيه ترضين
من أول ما رجعت من السفر ما شفتلك ديره
وأنا الي كنت احسبك قبل ادوس أرض المطار تجين
تكونين أنتي أول شخص عيني تحتضن عينه
وكنت اتخيلك من زود فرحة رجعتي تبكين
وأشوف بدمعتك حكيك واعرفه قبل تحكينه
وأجيب أحلى من ألي بتحكينه وأتركك تحكين
تقولين الوطن نور وأقول بنور مضويه
تقوليلي غديت أحلى وأقول عيونك الحلوين
كلام النام بشفاهك وخفتي لا تصحينه
دخرتيه لغرام ألي ينام ويتركك تصحين
تغانمتي غيابي لين رجحتي مو ازينه
تعلم من يدك لمس الكفوف وعلمك تجفين
وليتك لأقيتي به شي فيني ما تلاقينه
ما هو بغرور ولاكن خابرك مالك أمل تلقين
تغافلتي بغلى والاالحلى ماهو من زينه
تزينه الصور بس الصحيح إبن الحلال زوين
وأنا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوعي بمظهري والسم ما يذبح ثعابينه
على قول المثل ما ني حلو لاكن ماني شين
أذا هداكي الزهر مره فأنا هديتك بساتينه
وإذا الهاتف فرح ليله فأنا تحت البكاء سنين
وإذا استضعفتك أملاكه وشتتك ملايينه
أنا حتى فتات الخبزه اقسمها معك نصين
طموحي بس أجي وأظهر بشي تستحقينه
تدينته تسلفته سرقته مو مهم منين
كأني من كثر ماأرضى بكل الي تتمنينه
لو انك تطلبين الله يعنيني بقول امين
أنا ما العب على الحبلين وقت الطيش وسنينه
تبين الحين يوم اني كبرت العب على الحبلين
ترى عند البدوى بالذات عيب الي تسوينه
حلاتك لا عشقتيني تعشقيني ليوم الدين
غراماً نسكن أضلوعه حشيمه من مجانينه
جفئ يجمع محبتنا ولا عشق يذل إثنين
إكثار الي تحدوني وقالولي تحبينه
أمانه لا تخليني صغير بعينهم تكفين
لأني كل ما قالوا تخون أقول مسكينه
عليك الله وامانه علميهم من هوالمسكين
أنا خايف إذاطاح الجمل تكثر سكاكينه
وأنا ما عادت ضلوعي تحمل طعنت السكين
مثل ما قالو والمكتوب واضح من عناوينه
لو أرحل منك للغربه بسافرمن ظلامك وين
كفايه كل حلم يمر في رقادي تزورينه
كفايه من تفارقناوانا ما غضت لي عين
قبل يومين شفتك بالمنام وقمت من حينه
ونمت أمس ورجع نفس المنام إلي قبل يومين ؟؟
هذي قصيده لشاعر حامد زيداتمنى انت تعجبكم
اختكم همسات الليل
وقت من البطئ وبليلة فراق شياطينه
بعد ما شفت الضياء ينزع من ثياب المساء ثلثين
تحايلت المنام الي مثل بيتك تمرينه
وأنا الي من تفارقنا وأنا ما غمضت لي عين
غريبه كل حلم يمر في رقادي تزورينه
ولا غربت كيف احلم الحلم وارجع واحلمه بعدين
قبل يومين شفتك بالمنام وقمت من حينه
ونمت أمس ورجع نفس المنام الي قبل يومين
انا الي قبل اسافرشلت قلبي من شرايينه
تركته في يدك مثل الامانه واحفظيها زين
ترى حفظ الامانه دين مجبوره تردينه
أجل ما فيه أحد قلك حفظ الامانه دين
مرد المقفي بيلفي ويستوفي وتوفينه
بعد ليله ثلاثه أربعه عشره شهر شهرين
إذا أنتي منتي بقد الكلام الي تقولينه
حرام استئمنك حاجه وإذا جيت أطلبك تنسين
تخونيني وتبيني ارضى وأحد يرضى تخونينه
أنا إذا جيت أخونك مع حبيبه ثانيه ترضين
من أول ما رجعت من السفر ما شفتلك ديره
وأنا الي كنت احسبك قبل ادوس أرض المطار تجين
تكونين أنتي أول شخص عيني تحتضن عينه
وكنت اتخيلك من زود فرحة رجعتي تبكين
وأشوف بدمعتك حكيك واعرفه قبل تحكينه
وأجيب أحلى من ألي بتحكينه وأتركك تحكين
تقولين الوطن نور وأقول بنور مضويه
تقوليلي غديت أحلى وأقول عيونك الحلوين
كلام النام بشفاهك وخفتي لا تصحينه
دخرتيه لغرام ألي ينام ويتركك تصحين
تغانمتي غيابي لين رجحتي مو ازينه
تعلم من يدك لمس الكفوف وعلمك تجفين
وليتك لأقيتي به شي فيني ما تلاقينه
ما هو بغرور ولاكن خابرك مالك أمل تلقين
تغافلتي بغلى والاالحلى ماهو من زينه
تزينه الصور بس الصحيح إبن الحلال زوين
وأنا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوعي بمظهري والسم ما يذبح ثعابينه
على قول المثل ما ني حلو لاكن ماني شين
أذا هداكي الزهر مره فأنا هديتك بساتينه
وإذا الهاتف فرح ليله فأنا تحت البكاء سنين
وإذا استضعفتك أملاكه وشتتك ملايينه
أنا حتى فتات الخبزه اقسمها معك نصين
طموحي بس أجي وأظهر بشي تستحقينه
تدينته تسلفته سرقته مو مهم منين
كأني من كثر ماأرضى بكل الي تتمنينه
لو انك تطلبين الله يعنيني بقول امين
أنا ما العب على الحبلين وقت الطيش وسنينه
تبين الحين يوم اني كبرت العب على الحبلين
ترى عند البدوى بالذات عيب الي تسوينه
حلاتك لا عشقتيني تعشقيني ليوم الدين
غراماً نسكن أضلوعه حشيمه من مجانينه
جفئ يجمع محبتنا ولا عشق يذل إثنين
إكثار الي تحدوني وقالولي تحبينه
أمانه لا تخليني صغير بعينهم تكفين
لأني كل ما قالوا تخون أقول مسكينه
عليك الله وامانه علميهم من هوالمسكين
أنا خايف إذاطاح الجمل تكثر سكاكينه
وأنا ما عادت ضلوعي تحمل طعنت السكين
مثل ما قالو والمكتوب واضح من عناوينه
لو أرحل منك للغربه بسافرمن ظلامك وين
كفايه كل حلم يمر في رقادي تزورينه
كفايه من تفارقناوانا ما غضت لي عين
قبل يومين شفتك بالمنام وقمت من حينه
ونمت أمس ورجع نفس المنام إلي قبل يومين ؟؟
هذي قصيده لشاعر حامد زيداتمنى انت تعجبكم
اختكم همسات الليل