دقت الساعة ثنتين ونصف ليلا في بيت بو سلمان (الله يرحمه)

(بو سلمان ( الله يررحمه ) وأم سلمان وسلمان وأماني وليلى وراكان عائله)

( أماني :البنت الثانية عمرها 18 سنه لسه متخرجة من الثانوية من دلوعة وناعمة ورومانسيه ( لها صديقه اسمها لطيفه)

أماني :يا ربي وشها لزهق من جت العطلة وأنا زهقانه

(سلمان :الأخ الأكبر عمره 25سنه تحمل مسؤولية بيتهم من توفى أبوه)

سلمان:أيه يحق لك تزهقين مو مثلي مسكين افرح بالاجازه

( ليلى : الاخت الكبيره عمرها 20 سنه طيبه وحساسه)

ليلى:هههههههه تكسر الخاطر يا اخوي
اماني:هههههه
((من جد صار يكسر الخاطر مرررررره))
سلمان:أيه تطنزوا تطنزوا شوراكم ها يا لله بروح أنوم وراي بكره دوام تصبحون على خير

أماني:أقول لا تقول تصبحون لسه بدري على نومتنا((وتسوي له حركات بوجهها تبي تقهره))
مشى عنهم فوق وراح بسابع نومه

(((بو رائد وام رائد ورائد وماجد واحمد وسلمى والبندري عائله)))


في بيت بو رائد كانوا سلمى واحمد جالسين با لصالة

(احمد :عمره 25 سنه يحب بنت عمته فاتن يشتغل مهندس معماري)
(سلمى : عمرها 18 سنه من أحلى البنات ودمها خفيف طيوبه لسه متخرجة من الثانوية)
احمد :هههههههههه
سلمى :وش بلاك ميت من الضحك
احمد : أتذكر أيام الجامعة........ ( ويكمل ضحك )
سلمى : قل وش صار حمستني
احمد: الشباب مسويين مقلب في الأستاذ من جد كان شكله خزي
.........(ويضحك وسلمى متحمسة تبي تعرف الباقي ).......
احمد :دخل الأستاذ من الباب ولا يشوف إلا الزبالة اللي تطيح على راسه
والقاعة كلها ميت ضحك وهو الإحراج كان مآكل وجهه
سلمى :هههههههه والله منتو بشويه
(وشوي ويدخل عليهم رائد الساعة 3 )
(رائد : عمره 29 سنه أعزب مو راضي يتزوج مستانس بحياته كذا حنون يشتغل معلم با لمدرسه )
رائد: وش بلاكم تضحكون ضحكونا معكم
سلمى :أسرار خاصة مو شغلك
احمد :خلها تولي كنا نتذكر أيام الجامعة
سلمى:خلها تولي زين اوريك يا احمدوووو اللي تجيب لك أخبار ( احم ..احم)
احمد :لا عاد كل شي ولا أخبار ( احم ..احم )بينا أسرار خاصة وكلام خاص أيه (ويقلد عليها)
( ويلف على رائد اللي ناقع من الضحك على شكل احمد )
احمد :زين كذا بتروح علينا الأخبار
رائد:هههههههههههه
سلمى:شوف برضى عليك بحاله وحده
احمد: آمري تدللي وش بقيتي
رائد: كل هذا الحب يسويه (ومستغرب من أخوه ويقول في نفسه يضرب الحب شو بيذل)
احمد :يسوي أكثر وأنا أخوك
سلمى: أبيك تجيب لي آيسكريم سنكرس وما رس وتويكس وجالكسي وليز الكبيره با لكاتشاب وبيبسي ثلاثة
احمد :ما طلبتي يا بعدهم
.(وشوي إلا واحمد جايبهم ).
احمد : ها وش تبين بعد
سلمى : لا سلامتك بس خلك كذا على طووول


وشوي ويرن جوال أماني كانت لطيفه
أماني: هلا لطووف(صديقة أماني )
لطووف:والله اوريك يا لخايسه
أماني: (وهي تضحك ) وش بلاك شوي وتطلعين لي من الجوال
لطووف:مو من كثر ما أدق ولا ألاقي رد بطلع لك من الجوال
أماني:يوووووه نسيت كنت حاطته صامت
لطووف:شوفي المهم بكره بنروح السوق
أماني:تآمرين أمر نروح السوق
لطووف:باي
أماني: بايات



في بيت بو رائد
دخل احمد على أمه اللي كانت تصلي الفجر استناها لما خلصت
أم رائد : ها حبيبي احمد وش بقيت (أم رائد :خلود وعمرها 45 سنه أم مثل كل الأمهات تحب عيالها با لدرجه الأولى )

احمد :أقول يمه ما ودك تزورين عمتي أم محمد
أم رائد :أي والله من زمان عليها
احمد :أيه وأنا بعد من زمان ماشفت بنات عمتي (قالها بدون شعور )
أم رائد: أقول استح على وجهك هذوله مثل بناتي
احمد :لا يمه بس امزح معاك (وجهه صار في الأرض)
أم رائد :أنا أقول هذا احمد تربيتي
احمد : بكره العصر نروح لهم
أم رائد :انشا الله
...........طلع احمد من جنب أمه وهو مرتاح على أمل أنهم يروحون بكره لبيت عمتهم ............
جلست أماني من النوم الساعة 5 العصر شافت الساعة وتنقز من السرير عند الجوال وتشوف 14 مكالمة لم يرد عليها لطيفه وتصلي وتتصل بلطووف الللي كانت معصبه
أمانيوهي خايفه )الووووو.............
لطيفه: ( وهي تصارخ)أنتي ما عندك مواعيد مضبوطة
أماني :ومن يقول انا جاهزه انا جنب الباب من مساع وأنا انتظرك (وفيها الضحكة بس خاشتها)
لطوووف:اوكي أنا جنب الباب يا الله البسي وانزلي ادري بك ما بعد تلبسين
ولبست ونزلت من الدرج وكانت أمها قبالها
أم سلمان:على وين يمه رايحه(أم سلمان :عواطف عمرها 43سنه أم طيبه وحنونة على أطفالها)
أماني:بروح السوق مع لطيفه
(ولبست طرحتها وراحت)
(((((أمها رفعت أيدينها للسما في وداعة الله يا بنيتي))))
.............................

كان ماجد بنفس السوق اللي كانت فيه أماني((مجمع الظهران با لخبر))
كان ماجد يمشي با المجمع مع صديقه فيصل (ماجد:عمره 20 سنه بيروح بعثه نيوزلندا بعد فتره هادئ وحساس وفيصل صديقه)
........وهم جالسين يمشون وقف ماجد وهو مندهش
ماجد :هي والله هي
فيصل:عرفنا عليها يا الله وش ورانا
ماجد : (وهو مو مستوعب الوضع)أنا ما اقصد هذوله البنات اللي أنت تعرفهم
فيصل :أنا قايل منت بهين رقمها بس رقمها
..........ماجد وراسه بينبط من غباء فيصل .................
ماجد :اقصد بنت عمي أماني حبيبتي
فيصل :أيه قول كذا من زمان مو جالس تقول من مساع (ويقلد عليه بصوت العاشق الولهان)هي والله هي
ماجد من شافها وهو مو متحمل انه بيسافر وبيتركها راح في عالم ثاني
ماجد: يالله يا فيصل خلنا نروح
فيصل:لسه جايين ونروح؟؟؟؟؟؟؟؟؟؟؟
ماجد طلع وراح يمشي حق سيارته لحقه فيصل وركب السيارة
وكان مسند راسه على الكرسي ويفكر
فيصل:انت اللحين ما تعلمني وش فيك تطلع كذا واحنا ما تسوقنا
ماجد (وهو هايم بفكره)أسبوع بس أسبوع وأروح عنها ما اقدر افارق عيونها والا بسمتها ويتنهد( ااااااااااااااااااااه)
فيصل : الحب عامل عما يله فيك

يا شباب يا بنات أبي ردودكم بصراحة في بيت بو رائد كانت أم رائد في غرفتها تتجهز عشان تروح لبيت أم محمد

احمد: (يصرخ )يا لله يمه وراك ماجهزتي بسرعه
سلمى:ويه عاد لا تموت ماصارت (وتهمس )فتوووووووون
احمد:أقول لا تتكلمين هذي تسواك أنتي ووجهك
سلمى:ههههههههههه.......
أم رائد:ناهد وينها
سلمى: اللحين بتجي
ومشوا إلى بيت عمتهم واحمد فرحان با لسياره شوي ويفحط
دق الجرس بيت العمه أم محمد (أم محمد : مريم عمرها 43 سنه ( الأخت الوحيدة لابو سلمان وأبو رائد)

ام محمد : ميري.......... ميري
ميري: نعم مداام
أم رائد :شوفي من عند الباب
ميري :جين ماما
فتحت ميري الباب ودخلو أم رائد والبنات الصاله عند أم محمد واحمد دخل المجلس
أم محمد :يا حيا الله من جانا تو ما نور البيت
أم ماجد :هلا والله البيت منور بأهله حبيبتي
أم محمد : (وهي تسلم على سلمى)هلا والله ببنت الغالي
سلمى : هلا بيك عمتي
أم محمد : هلا نهوده وش أخبارك
ناهد : أنا بخير والحمد لله
واحمد جالس في المجلس لوحده وشوي ويدخلون عليه عيال عمته محمد
وفايز.......

(محمد : عمره 27 سنه لسه متزوج من أخت صديقه )
(فايز :وعمره 25 سنه إنسان حباااب والكل يحبه)

وقف احمد لما شافهم داخليين
فايز:ياهلا أسفرت وانورت واستهلت وأمطرت هلا والله
احمد : (وهو يضحك على هالتحيه)هلا بيك أنت وش علومك
فايز:أنا بخير دامك بخير
محمد:أقول وخرعنه لازق فيه اللي يشوفك يقول مو شايفه من سنه
...........قامو يضحكون على كلام محمد احمد وفايز........
محمد: (يوخر فايز عن احمد ويسلم عليه ) هلا احمد وش أخبارك
احمد: بخير الله يسلمك

؛؛؛؛؛؛؛؛؛؛؛ وجلسو الشباب يضحكون وطق حنك؛؛؛؛؛؛؛؛؛؛؛؛

وشوي وينزلون فاتن و بيان
وسلمو على الكل وقاموا فوق بغرفة فاتن
سلمى :ما تقولون لي وش أخباركم يا بنات
فاتن: (وتقلد على اللغة الفصحه)ليس من جديد يا أختاه
سلمى تلف على بيان) الأخت صارت فيلسوفه
بيان : تضحك
وهم جالسين يسولفون رن جوااال فاتن
السائق يتصل بك ردت
فاتن:الو هلا جوي
جوي:ماما أغراض من سوبر ماركت أنا في جيب
فاتن :شوي وانزل أخذهم
.............نزلت فاتن تأخذ الأغراض.....................

ويرن جوال سلمى وترد على احمد
سلمى:هلا احمد وش بقيت
احمد:أنا طالع عندي شوية شغل وراجع اخذكم بااااااي
سلم على احمد محمد وفايز وطلع عند الباب(باب المجلس)
انتبه للي واقفه تاخذ اغراض من عند الباب على طول فكر انه يصد بس لما عرف أنها فاتن حلف والله ما اصد لازم أكحل عيوني بشوفتها
فرصه وجات لعندي يعني معقول أردها
......فاتن خذت الأكياس وجالسه تمشي لداخل وتطالع با لأكياس (باب المجلس كان غريب من باب الصالة)......وترفع عيونها إلا وتشوف اللي واقف يتأمل فيها جمدت احمد واقف يتأملها من مساااع
مو قادره تتحرك البنت خلاص وصلت حدها ...........
ويمر من جنبها ويقول:


تدري لو السحاب يعاشر أمثالك
جف المطر عن الناس وامتلكته
تدري لو الورد يستنشق أنفاسك..
يدعي لك ويقول سبحانك يا من خلقته...
تدري لو الناس تخلقت بأخلاقك ..
كان طابت دنياي والهم ما عرفته...
وحشتيني.....

هي أنصبغ وجهها وصار احمر بالمرة انتبهت لحالها أنها واقفة وجلست تركض على طول إلى فوق
((دخلت ورمت روحها على السرير ورمت الأغراض في الأرض ))
سلمى خافت على فاتن
سلمى:فاتن وش فيك
فاتن : أحبه والله أحبه
سلمى جلست تفكر أن أخوها توه طالع) لا تقولين شافك احمد
فاتن : شافني وشفته بعد عمري
سلمى:بعد عيني اخوي اللحين تلاقينه بأحلى عالم مع خيالك
بيان :وش ذا الغرام انا بصراحه معزمه أدور لي واحد أحبه
....ضحكو كلهم على كلام بيان.....

سلمى: أقول بنات سمعوا سمعوا
فاتن: وش فيك
وتطلع الجوال وتكلم على احمد وتحط سبيكر
سلمى : هلا اخوي هلا بأحمد حبيبي
(((((((((وتخزها فاتن لاتقولين حبيبي)))))
سلمى :ههههههه
احمد: وش فيك تضحكين
فاتن تتوعدها لا تقول شي
سلمى : لا ولاشي بس شفت فاتن مختبصه قلت يمكن شايفتك
احمد:قولي والله مختبصه يعني تحبني هااااااا
سلمى :امممممممممم والله مدري
احمد: بليز قيسي النبض عندها يا بعد عمري يا سلمى
سلمى : (وهي ميته من الضحك) اوكي باي
احمد :باي
وتسكر ويموتون من الضحك سلمى وبيان
فاتن:بس لاتطنزون على حمودي
بيان:بعد اسامي دلع (وتقلد عليها)حمودي ....ههههههههههه
فاتن:ايه بدلعه بكيفي يحبني واحبه
سلمى : اهاااااااا يعني صج تحبينه والله لأقوله
فاتن:لا سلمى طلبتك لا تعلمين
سلمى:معصي راح اقول يعني راح اقول
فاتن:سلمى يا حياتي أنتي يا بعدهم كلهم رجيتك لا تقوليين
سلمى : بس خلاص قطعتي قلبي انا رقيقه ما أتحمل كل هالرجا وارفض
فاتن: (تتنهد من الفرحه) أيه كذا خلك كووول
سلمى :أنا طول عمري كوول مو شي جديد علي
بيان : شوي شوي لا ينط لك عرق
................كملو السوالف الى الليل ...........

بعدها جا احمد اخذهم اللي كانت حالته يرثى لها مو قادر يشيل صورتها من باله..........

رن جوال ليلى بموسيقى عرفت انه (.......)وعلى طول قامت وراحت الغرفه
بليز كتبو لي منو تتوقعون كلم على ليلى ؟
وش تتوقعون يصير بين فاتن واحمد؟

أبي ردودكم يا غاليين
والله كلكم تهموني وتهمني ردودكم ( انا حبيت انزل الباب الاول والثاني مع بعض وشكراً)

عالم غريب ملئ بالتناقضات

الله المستعان علي مايصفون

مشكور اخوي

الف شكر لك على نقل القصه
واذا كان باقي تكمله ننتظرها
لك مني كامل الود